Kakawin Bharata Yuddha bait 6 - 7 wirama jagaddhita Pasalin 1

1. Kakawin Bharata Yuddha bait 6 a

Nahan don Mpu Sedah makirttya saka kala ri sanga kuda sudha candrama.

Sang saksad dari murti yan ketiga nitya maka palana kesaning musuh.

Sang luwir lek prati pada sukla pinalakwan ahuripi wijil nireng ripu.

Ring perang darppa pasu prabhu pamanira hyunika dungulaning parang muka.

Sapunika tetujon tityang Mpu Sedah ngiket Kakawin nemonin shaka warsa ; 1079.

Mungguing kasinahan diwasannyane nemonin sasih katiga, manggeh mungguing tenggeknyane asiki ring nemnem inggih punika papitu.
Indik wilangan bulannyane tanggal apisan, mungguing rahnyane tatiga ring nemnem inggih punika asiya.
Ring pangkepannyane ; pasah, paniron, pahing, sukra, indra, kasinahan wukun dungulan, sadaweg ngawit mangawi.

2. Kakawin Bharata Yuddha bait 7

Biakta camana pada pangkaja Bhatara Siwa mara ngumastawa sira.

Yogyan manggalaning miket prang ira pandawa maka laga koraweswara.

Ndan duran kawasa alib kadi sereh pamahugi mahapu susuh geseng.

Manggeh tan sedepanya ring waja tuhun palarena  mangunang rsinghati.

Janten pacang mabresih ring tunjung cokor Ida Bhatara Siwa, indik tityang mangastawa Ida.

Patut pisan pucukang sajeroning tityang ngiket payudan ida sang pandawa matemu yuda ring ida prabhu korawa.

Sakewanten mangdoh pacang kasidan tan manut indik, waluya sedah pakirim mapamor antuk pici-pici puwun.

Janten tan wenten becik rasan ipun ring untu, yadyastun sapunika mogi prasida ngwangun pakayunan ida dane kadudut.